Abdul Ghafoor Nassakh

piri mein shauq hausla-farsa nahin raha

Abdul Ghafoor Nassakh

Faridpur, Uttar pradesh, India

1833-1889

piirī meñ shauq hausla-farsā nahīñ rahā

vo dil nahīñ rahā vo zamāna nahīñ rahā

kyā zikr-e-mehr us nazar meñ hai dil vo ḳhvār

shāyān-e-jaur-o-zulm dil-ārā nahīñ rahā

jhagḌā miTā diyā but-e-kāfir ne diin

ab kuchh ḳhilāf-e-momin-o-tarsā nahīñ rahā

ushshāq-o-bul-havas meñ nahīñ karte vo tamīz

vaañ imtiyāz-e-nek-o-bad aslā nahīñ rahā

kyuuñ bahr-e-sair aane lage gul-ruḳhān-e-dahr

piirī meñ dil sazā-e-tamāshā nahīñ rahā

kah do ki qabr-e-nāsh bhī us pā.emāl

nām-o-nishān-e-āshiq-e-rusvā nahīñ rahā

ab tak yahāñ hai ijz o niyāz o vafā dhuum

vaañ lutf o iltifāt o madārā nahīñ rahā

kashtī baġhair dasht-navardī ho kis tarah

ashkoñ se bahr ho gayā sahrā nahīñ rahā

mastī meñ raat vo na khule mujh se ham-nashīñ

kuchh e'tibār-e-nashsha-e-sahbā nahīñ rahā

kyuuñ jaa.eñ phir ke kaabe se 'nassāḳh' dair ko

vo sar nahīñ rahā vo saudā nahīñ rahā

Top Urdushayar.com