phir vo nazar hai izn-e-tamāshā liye hue
tajdīd-e-ārzū kā taqāzā liye hue
chashm-e-siyah meñ mastiyāñ shām-e-visāl kī
aariz faroġh-e-sub.h-e-nazārā liye hue
har ek shaḳhs tark-e-tamannā kā mudda.ī
har ek shaḳhs terī tamannā liye hue
kal shab tulū-e-māh kā manzar ajiib thā
tum jaise aa ga.e ruḳh-e-zebā liye hue
dil aaj tak hai lutf-e-farāvāñ se sharmsār
lab aaj tak haiñ aap kā shikva liye hue