dāman se apne jhaaḌ ke sahrā-e-ġham kī dhuul
aao chalo na ham bhī chuneñ sarḳhushī ke phuul
āḳhir ko mil sakī na bashar ko rah-e-najāt
yuuñ to har ek daur meñ aate rahe rasūl
dāman bachā ke aa.iyo mere mazār tak
ai jān-e-nau-bahār uge haiñ idhar babūl
dekhā kabhī jo dahr ko shā.ir kī aañkh se
ḳhallāq-e-kā.enāt bhī sadiyoñ rahā malūl
aa.egā koī jaam mai-e-sarḳhushī liye
ai dil kuchh aur der hiñDole meñ ġham ke jhuul