jag hai mushtāq piv ke darshan kā
kis kuuñ niiñ ehtiyāj darpan kā
saaf dil hai jo aarsī mānind
nit hai hairāñ jamāl-e-raushan kā
garche honā hai aib-poshī jahāñ
kasb kar iḳhtiyār sozan kā
kyuuñ na hue āshiqī meñ ḳhauf raqīb
har safar meñ ḳhatar hai rahzan kā
zohd-e-zāhid hai ḳhauf-e-mahshar suuñ
taab nāmard kuuñ kahāñ ran kā
ḳhaak ho yaar kī galī mat chhoḌ
garche kuchh mudda.ā hai dāman kā
sabr kar hijr meñ tuuñ ai 'dā.ūd'
dekhnā hai agar sirījan kā