Wasif Dehlvi

zarra harif-e-mehr daraKHshan hai aaj kal

Wasif Dehlvi

Delhi, India

1910

zarra harīf-e-mehr daraḳhshāñ hai aaj kal

qatre ke dil meñ shorish-e-tūfāñ hai aaj kal

sad-jalva be-hijāb ḳhirāmāñ hai aaj kal

sahmā huā gumbad gardāñ hai aaj kal

aañsū meñ aks-e-naqsha-e-daurāñ hai aaj kal

simTā huā ālam-e-imkāñ hai aaj kal

barham mizāj-e-fitarat-e-insāñ hai aaj kal

kis maḳhmase meñ ġhairat-e-yazdāñ hai aaj kal

qismat tīrgī kahānī na pūchhiye

sub.h-e-vatan bhī shām-e-ġharībāñ hai aaj kal

shirāza-e-ummīd shikasta hai in dinoñ

jam.īyat-e-ḳhayāl pareshāñ hai aaj kal

hai ik nigāh-e-mehr 'vāsif' ko aarzū

'vāsif' dil shikasta o vīrāñ hai aaj kal

Top Urdushayar.com