dauḌtā rahtā huuñ nā-mālūm samtoñ kī taraf
dekhtā hargiz nahīñ pairoñ ke chhāloñ kī taraf
bastiyoñ ke log sach sun kar bahut barham hue
ab mirā uglā nishāna ḳhānqāhoñ kī taraf
ab mire dāman se uljhī haiñ kaTīlī jhāḌiyāñ
kyuuñ nikal aayā thā ghar se ḳhār-zāroñ kī taraf
saḳht tanhā.ī kī vahshat se mujhe marnā nahīñ
ghar se ghabrā kar nikal paḌtā huuñ rāhoñ kī taraf
dekhnā ḳhurshīd-e-ālam-tāb kā aalam ki phir
DhūñDne niklā hai ḳhud ko māh-pāroñ kī taraf