dil kī har baat tirī mujh ko batā detī hai
terī ḳhāmosh nazar mujh ko sadā detī hai
duur rahnā mujhe manzūr nahīñ hai tujh se
zindagī saath tire mujh ko maza detī hai
apnī kuTiyā ke añdhere ko miTā.ūñ kaise
vo mire diip ko zulfoñ se havā detī hai
terī ye hī to adā bhātī hai jānāñ mujh ko
jab nazar sāmne mere tū jhukā detī hai
ishq kā rog lagā hai ka.ī barsoñ se mujhe
kis liye mujh ko ye phir duniyā davā detī hai