nas nas meñ nasha pyaar kā ma.amūr huā hai
dil tere milan ke liye majbūr huā hai
vaadī meñ baras kar abhī barsāt chhaTī hai
chiḌiyoñ kī chahak se samay masrūr huā hai
āñkhoñ kī guzargāh se dar aayā hai dil meñ
tū mere tasarruf se bahut duur huā hai
sau baar tirā merā fasāna huā yakjā
sau baar mare sañg tū mazkūr huā hai
tū rañg mahak ruup meñ aayā tujhe paayā
iz.hār tire pyaar kā bharpūr huā hai