do ek saal hī ik se sarāhī jaatī hai
isī tarah se hamesha tū chāhī jaatī hai
''kareñ na byāh, mileñ sukh, suhā.eñ falsafa ḳhūb''
tire buzurgoñ kī sab kaj-kulāhī jaatī hai
hai tujh meñ mujh se bigāḌ ab ik aur ke aage
tirī sakhī tirī dene gavāhī jaatī hai
birāje ghar meñ mujhe chāhe tujh ko bahkā.e
le terī bahan kī ab sarbarāhī jaatī hai
tazād-e-zāt meñ zil.e alag vachan bekār
lagan to tyaag ke jīvan nibāhī jaatī hai
tire sarīr ko kaise mile suhāg kā sukh
tū apne aap hī din rain byāhī jaatī hai
duā salām chalā maiñ ki mere hone se
tirā vaqār tirī ḳhud-nigāhī jaatī hai