ghar vaale bhī so.e haiñ abhī shab bhī ghanī hai
aa jaanā mire pīchhe jahāñ nāg-phanī hai
rusvā huī kuchh tyaag ke tū pyaar ke sambañdh
kuchh bā.is-e-tash.hīr mirī be-vatanī hai
sau baar mirā terā milan moh huā hai
kis naaz kas andāz pe tū itnā tanī hai
āñkhoñ kā subhāv hai ki sub.hoñ kī kañvalTā
palkoñ kā jhukāv hai ki neze kī anī hai
āḳhir kabhī tai hogā yūñhī nit kā bichhaḌnā
tujh mujh meñ ka.ī jīvanoñ janmoñ se Thanī hai
sirf ik se mohabbat nahīñ ab Thānī hai dal ne
jo jī ko lubhā.e vahī hiire kī kanī hai