tai nīm-jāñ kā aaj bhī jhagḌā na ho sakā
tujh se sitam bhī ai sitam-ārā na ho sakā
jab dard-e-dil kā tum se mudāvā na ho sakā
phir kuchh bhī tum se hazrat-e-īsā na ho sakā
allāh re ravānī-e-chashm-e-shab-e-firāq
yuuñ tez-rau kabhī koī dariyā na ho sakā
andher hai ki maut bhī ma.ashūq ban ga.ī
har chand chāhā raat ko marnā na ho sakā
kis vaqt bahar-e-pursish-e-bīmār aa.e vo
jab aañkh se bhī apnī ishārā na ho sakā