mire suḳhan pe ik ehsān ab ke saal to kar

tū mujh ko dard kī daulat se mālā-māl to kar

dil-e-azīz ko tere supurd kar diyā hai

tū dil lagā ke zarā us kī dekh bhaal to kar

ka.ī dinoñ se maiñ ik baat kahnā chāhtā huuñ

tū lab hilā to sahī haañ koī savāl to kar

maiñ ajnabī kī tarah tere paas se guzrā

ye kyā ta.alluq-e-ḳhātir hai kuchh ḳhayāl to kar

maiñ chaah kar bhī tire saath rah nahīñ pā.ūñ

tū mere ġham mirī majbūrī par malāl to kar