is soch meñ hī marhala-e-shab guzar gayā
dar vā kiyā to kis liye saaya bikhar gayā
tā-der apne saath rahā maiñ zamāne baad
be-nām sā sukūt thā jab raat ghar gayā
rakhtā thā hukm maut kā jo rāh-e-vasl meñ
vo lamha-e-firāq mire Dar se mar gayā
sab raunaqeñ ba-zid thiiñ jahāñ ghar banāne ko
vo qarya-e-vajūd ḳhalāoñ se bhar gayā
maiñ bāñdh hī rahā thā ġhazal meñ use abhī
vo zīna-e-ḳhayāl se nīche utar gayā