'kaif' be-samt ravāñ baat burī lagtī hai
ham to Tokeñge jahāñ baat burī lagtī hai
pyaar karne kā salīqa jise aa jaatā hai
vo samajhtā hai kahāñ baat burī lagtī hai
jis jagah kaam ishāroñ se nikālā jaa.e
ai mire dost vahāñ baat burī lagtī hai
jis pe mālik kī ināyat ho agar bin māñge
vo kare shikva yahāñ baat burī lagtī hai
jab se lauTe haiñ ḳhalā-bāz ḳhalā se ho kar
kyā milā un ko vahāñ baat burī lagtī hai