us ne mazāq samjhā mirā dil dukhā gayā
phir mom-battiyoñ ko hamesha bujhā gayā
niklā thā ḳhud ko DhūñDne us regzār meñ
māyūs ho ke rāsta vāpas chalā gayā
ik ik galī meñ DhūñD rahī thī havā mujhe
lahroñ ke saath saath mirā naqsh-e-pā gayā
bistar pe leTe leTe mirī aañkh lag ga.ī
ye kaun mere kamre kī battī bujhā gayā
satā rahā thā lawn meñ sab kaam chhoḌ kar
jhoñkā havā kā aayā aur hañs kar chalā gayā