ma.abad-e-zīst meñ but kī misāl jaḌe hoñge
ye nanhe bachche jis roz baḌe hoñge
itne dukhī is darja udaas jo saa.e haiñ
raat ke dasht meñ tez havā se laḌe hoñge
dhuup ke qahr kī lazzat ke shaidā.ī haiñ
ye ashjār bhī ḳhvāb se chauñk paḌe hoñge
ham ko ḳhalā kī vus.at se fursat na milī
laakh ḳhazāne is dhartī meñ gaḌe hoñge
vo din hogā āḳhirī din ham sab ke liye
ā.īna dekhne jab ham log khaḌe hoñge