har ḳhvāb ke makāñ ko mismār kar diyā hai
behtar dinoñ kā aanā dushvār kar diyā hai
vo dasht ho ki bastī saaya sukūt kā hai
jādū-asar suḳhan ko bekār kar diyā hai
gird-o-navāh-e-dil meñ ḳhauf-o-hirās itnā
pahle kabhī nahīñ thā is baar kar diyā hai
kal aur saath sab ke is paar ham khaḌe the
ik pal meñ ham ko kis ne us paar kar diyā hai
pā-e-junūñ pe kaisī uftād aa paḌī hai
aglī masāfatoñ se inkār kar diyā hai