zamīñ se tā-ba-falak dhund kī ḳhudā.ī hai
havā-e-shahr-e-junūñ kyā payām laa.ī hai
piyā hai zahr bhī āb-e-hayāt bhī lekin
kisī ne tishnagī-e-jism-o-jāñ bujhā.ī hai
ye koī zid hai ki hai rasm-e-āshiqī hī yahī
havā ke ruḳh pe jo sham-e-vafā jalā.ī hai
ye kam nahīñ ki taraf-dār haiñ mire kuchh log
hunar kī varna yahāñ kis ne daad paa.ī hai
musāfirān-e-rah-e-shauq aur tez qadam
ki chand gaam hī ab manzil-e-judā.ī hai