kyā husn hai yūsuf bhī ḳharīdār hai terā
kahte haiñ jise misr vo bāzār hai terā
taqdīr usī kī hai nasība hai isī kā
jis aañkh se kuchh va.ada-e-dīdār hai terā
tā-zīst na TuuTe vo mirā ahd-e-vafā hai
tā-hashr na puurā ho vo iqrār hai terā
barchhī kī tarah dil meñ khaTaktī haiñ adā.eñ
andāz jo qātil dam-e-raftār hai terā
kyā tū ne khilā.e chaman bazm meñ 'kaifī'
kyā rañg-e-gul afshā-e-guftār hai terā