vaqt kī umr kyā baḌī hogī
ik tire vasl kī ghaḌī hogī
dastakeñ de rahī hai palkoñ par
koī barsāt kī jhaḌī hogī
kyā ḳhabar thī ki nok-e-ḳhanjar bhī
phuul kī ek pañkhuḌī hogī
zulf bal khā rahī hai māthe par
chāñdnī se sabā laḌī hogī
ai adam ke musāfiro hushyār
raah meñ zindagī khaḌī hogī
kyuuñ girah gesuoñ meñ Daalī hai
jaañ kisī phuul kī aḌī hogī
iltijā kā malāl kyā kiije
un ke dar par kahīñ paḌī hogī
maut kahte haiñ jis ko ai 'sāġhar'
zindagī kī koī kaḌī hogī