donoñ meñ kitnā farq magar donoñ kā hāsil tanhā.ī
apnoñ meñ duurī laatī hai vo shohrat ho yā rusvā.ī
jīvan ke kore kāġhaz par jiinā hogā tahrīroñ meñ
ujle pannoñ par syāhī se karnī hogī harf-ārā.ī
ham haiñ us kā hī aks magar hai biich meñ jīvan kā darpan
jab TūTegā jīvan-darpan tab zāhir hogī sachchā.ī
pahle to ḳhud se duur kiyā phir sazā sunā.ī jiine kī
jī chuke to ye farmān milā ab phir se hogī sunvā.ī
vo ḳhud meñ mukammal hai to phir kyūñkar vo ḳhud meñ rah na sakā
kyuuñ bikhar gayā zarra zarra kyuuñ sah na sakā vo tanhā.ī