sitam tū kartā hai lekin duā bhī detā hai

mirā harīf mujhe hausla bhī detā hai

hai jis kā ek tabassum qarār-e-jāñ apnā

usī kā tarz-e-taġhāful rulā bhī detā hai

bajā ki hijr kā aalam azaab hai yaaro

magar ye arsa-e-furqat mazā bhī detā hai

hai dil-navāz ġhazab kā magar ye sho.ala-e-ishq

kabhī shagūfa-e-dil ko jalā bhī detā hai

kabhī hai maut meñ pinhāñ najāt kā pahlū

kabhī vo ziist kī sūrat sazā bhī detā hai