das aql das maqūle das mudrikāt tīsoñ
tere hī zikr meñ haiñ ai pāk-zāt tīsoñ
no āsmāñ ḳhur-o-mah sātoñ tabaq zamīñ ke
rūh-o-havās-e-ḳhamsa aur shash-jahāt tīsoñ
baara burūj chaudah ma.asūm chaar unsur
zāhir kareñ haiñ terī lākhoñ sifāt tīsoñ
sī-pārhā-e-dil ko rakhiyo muhāfizat se
ai merī jaañ haiñ terī hifz-e-hayāt tīsoñ
māh-e-guzishta kā haal 'inshā' kahūñ so kyūñkar
mar mar basar kiye haiñ din aur raat tīsoñ