lag jā tū mire siina se darvāza ko kar band
de khol qabā apnī kī be-ḳhauf-o-ḳhatar band
afsūn-e-nigah se tirī ai sāqī-e-bad-mast
shīshe meñ huī misl-e-parī apnī nazar-band
makḌāte hue phirte haiñ ham kūche meñ us ke
kyā kījiye darvāza idhar band udhar band
yā shāh-e-najaf naam ishāre meñ tirā luuñ
ho jaa.e dam-e-naz.a zabāñ mere agar band
aave vo agar yār-e-safar-karda to 'inshā'
maiñ dauḌ ke kis lutf se khulvā.ūñ qamar-bañd