zaḳhm kā marham dard kā apne darmāñ bech ke aa.e haiñ
ham lamhoñ kā saudā kar ke sadiyāñ bech ke aa.e haiñ
bikne par jab aa hī ga.e the ūñche mol to bikte ham
ham ko hamāre rahbar lekin arzāñ bech ke aa.e haiñ
meñh kyuuñ barse ḳhushk zamīñ par kaise ho maqbūl-e-duā
jab ḳhud bārish māñgne vaale nadiyāñ bech ke aa.e haiñ
bhuuk kī ye shiddat bhī āḳhir kyā se kyā kar detī hai
majbūran kal bachchoñ kī ham guḌiyāñ bech ke aa.e haiñ