teġh apnī jagah daar apnī jagah
aur haqīqat kā iz.hār apnī jagah
ab khañDar hai khañDar hī kaho dosto
shīsh-mahloñ ke āsār apnī jagah
tuur par laakh muusā se ho guftugū
arsh-e-a.azam pe dīdār apnī jagah
avvalan haq ne taḳhlīq jis ko kiyā
sab ke ba.ad us kā iz.hār apnī jagah
muḳhtasar ye batā sar-ba-kaf kaun thā
jiit apnī jagah haar apnī jagah
bhaa.ī se bhaa.ī ke kuchh taqāze bhī haiñ
sahn ke beach kī dīvār apnī jagah