vo apne ghar ke darīchoñ se jhāñktā kam hai
ta.alluqāt to ab bhī haiñ rābta kam hai
tum is ḳhamosh tabī.at pe tanz mat karnā
vo sochtā hai bahut aur boltā kam hai
bilā sabab hī miyāñ tum udaas rahte ho
tumhāre ghar se to masjid kā fāslā kam hai
fuzūl tez havāoñ ko dosh detā hai
use charāġh jalāne kā hausla kam hai
maiñ apne bachchoñ kī ḳhātir hī jaan de detā
magar ġharīb kī jaañ kā muāvza kam hai