zabān vāloñ se ik be-zabān pūchhtā hai
makīñ kahāñ ga.e ḳhālī makān pūchhtā hai
ḳhudā yahāñ bhī ta.assub vahāñ bhī hai ki nahīñ
karachi vāloñ se hindostān pūchhtā hai
mujhe ye dhuup ye barsāt kyuuñ satātī hai
ye baat mujh se mirā sā.ebān pūchhtā hai
mizāj pūchhne vāloñ se ḳhairiyat terī
tirā marīz tirā nīm-jān pūchhtā hai
hamāre baare meñ kuchh pūchhtā nahīñ koī
koī nasab to koī ḳhāndān pūchhtā hai