tere hamdam tire hamrāz huā karte the
ham tire saath tirā zikr kiyā karte the
DhūñD lete the lakīroñ meñ mohabbat kī lakīr
an-kahī baat pe sau jhagḌe kiyā karte the
ik tire lams kī ḳhushbū ko pakaḌne ke liye
titliyāñ haath se ham chhoḌ diyā karte the
vasl kī dhuup baḌī sard huā kartī thī
ham tire hijr kī chhāñv meñ jalā karte the
tū ne ai sañg-dilī! aaj jise dekhā hai
ham use dekh ke dil thaam liyā karte the