Rind Lakhnavi

dil kis se lagaun kahin dilbar nahin milta

Rind Lakhnavi

Faizabad, Uttar pradesh, India

1797-1857

dil kis se lagā.ūñ kahīñ dilbar nahīñ miltā

kyā zulm sahūñ koī sitamgar nahīñ miltā

ḳhat le ke gayā jo vo kabūtar nahīñ miltā

kyā zikr kabūtar hai ik par nahīñ miltā

zulfoñ tarah umr basar ho ga.ī apnī

ham ḳhāna-ba-doshoñ ko kahīñ ghar nahīñ miltā

kyā ḳhaak mudāvā kareñ shorīda-sarī

sar phoḌne ko DhūñDheñ to patthar nahīñ miltā

gunjalak nahīñ miTtī jo tabī.at meñ paḌī hai

dil tujh se kisī taur se dilbar nahīñ miltā

kyā kījiye tārīf binā gosh us ke

āveze ko jis kaan ke gauhar nahīñ miltā

gum jab se huā huuñ maiñ tirī rāh-e-talab meñ

jab DhūñDhtā huuñ aap ko akasr nahīñ miltā

kuchh tālib-e-zar but nahīñ ġhaur se dekho

haq yuuñ hai ki allāh bhī be-zar nahīñ miltā

sūrat nahīñ miltī tirī sūrat se kisī

gahne se kisī ke tirā zevar nahīñ miltā

ārā.isheñ mauqūf huiiñ kis liye ai jaan

gauhar nahīñ miltā hai ki zar-gar nahīñ miltā

abrū mohabbat meñ kise ziist hai manzūr

mar jā.ūñ galā kaaT ke ḳhanjar nahīñ miltā

rindān-e-mai-āshām nahīñ jaam ke pāband

ham ok se piite haiñ jo sāġhar nahīñ miltā

vahshat meñ nikal jā.ūñ maiñ sarhad se zamīñ

is gumbad-e-gardāñ vale dar nahīñ miltā

o barq-e-tajallī tire kushte lahad par

kyā lauh bane tuur patthar nahīñ miltā

hāzir huuñ mujhe basta-e-fitrāk-e-faras kar

gar said koī tark-e-sitamgar nahīñ miltā

āshiq se na khīñch aap ko ai bādshah-e-husn

darvesh se kyā jhuk ke tavañgar nahīñ miltā

jo zaḳhm ko siine ke siye Tāñke jigar ko

aisā koī ustād rafūgar nahīñ miltā

ai 'rind' labālab ho jo irfān mai se

sāġhar vo ba-juz sāqi-e-kausar nahīñ miltā

Top Urdushayar.com