aa rahī thī band kaliyoñ ke chaTakne kī sadā
maiñ sarāpā gosh ho kar raat bhar suntā rahā
bah gayā zulmāt ke sailāb meñ aivān-e-sañg
dhuup jab niklī tamāzat se samundar jal uThā
jab rag-o-pai meñ sarāyat kar rahā thā zahr-e-habs
rauzan-e-dīvār se mujh par hañsī ThanDī havā
sabz khetoñ se koī sahrā meñ le jaa.e mujhe
maiñ hare sūraj kī tābānī se andhā ho gayā
ban ga.ī zanjīr ḳhushbū-dār miTTī kī kashish
maiñ zamīñ se jab ḳhalāoñ kī taraf jaane lagā