de aayā apnī jaan bhī darbār-e-ishq meñ
phir bhī na ban sakā ḳhabar aḳhbār-e-ishq meñ
jab mil na paayā us se mujhe izn-e-guftugū
maiñ ik kitāb ban gayā iz.hār-e-ishq meñ
qīmat lagā sakā na ḳharīdār phir bhī maiñ
jins-e-vafā banā rahā bāzār-e-ishq meñ
shāyad yahī thī us kī mohabbat kī intihā
mujh ko bhī us ne chun diyā dīvār-e-ishq meñ
tah tak maiñ khoj aayā huā ġharq baar baar
aayā na phir bhī tairnā mañjhdār-e-ishq meñ