dard ho dil meñ to davā kiije
aur jo dil hī na ho to kyā kiije
ġham meñ kuchh ġham kā mashġhalā kiije
dard kī dard se davā kiije
aap aur ahd-e-pur-vafā kiije
tauba tauba ḳhudā ḳhudā kiije
dekhtā huuñ jo hashr ke āsār
apne tevar mulāhiza kiije
nazar-e-iltifāt ban ga.ī maut
mirī qismat ko aap kyā kiije
dekhiye maqtazā-e-hāl-e-marīz
ab davā chhoḌiye davā kiije
chaar din kī hayāt meñ 'manzar'
kyuuñ kisī se bhī dil burā kiije