mirā diyā hai muqābil charāġh-e-shāhī ke

maiñ jāntā huuñ ki āsār haiñ tabāhī ke

sazā sunā.ī ga.ī peshtar gavāhī ke

to kyā subūt karūñ pesh be-gunāhī ke

kise hai hosh ki ye jashn hai ki mātam hai

muzākarāt haiñ jalse kī sarbarāhī ke

koī to jhāñke zarā din kī āstīnoñ meñ

mileñge naag ka.ī raat kī siyāhī ke

hamāre ghar haiñ mo.attar ġhamoñ kī dhūnī se

ki in gharoñ pe haiñ asarāt ḳhānqāhī ke