Ehsas Muradabadi

kahte hain ki yusuf ka KHaridar to lao

Ehsas Muradabadi

kahte haiñ ki yūsuf ḳharīdār to laao

us jins-e-girāñ ko sar-e-bāzār to laao

tamsīl-e-jamāl-e-nigah-e-yār to laao

mumkin ho javāb-e-lab-o-ruḳhsār to laao

lo naam na yaaro ki baġhāvat hai baḌī shai

tum pahle zarā jur.at-e-guftār to laao

ab husn meñ paidā haiñ pazīrā.ī ke āsār

tum ishq meñ kuchh jur.at-e-iz.hār to laao

az-rāh-e-aqīdat use āñkhoñ se lagā.eñ

tum koī hadīs-e-lab-o-ruḳhsār to laao

us ke liye zanjīr-e-bahārāñ bhī hai kaafī

gulshan meñ koī taaza giraftār to laao

ārām pas-e-manzil-e-dushvār hai 'ehsās'

saaya bhī milegā koī dīvār to laao

Top Urdushayar.com