ik sāñvle badan se mohabbat qubūl kar
ai rabb-e-ishq dil kī shahādat qubūl kar
āñkhoñ se merī us ke dupaTTe tak aayā hai
ai rabb-e-dard ashk kī hijrat qubūl kar
sahrā agar nahīñ hai to sahrā se kam nahīñ
ai rabb-e-qais qalb kī vahshat qubūl kar
dil ne abhī bichā.ī hai jā-e-namāz-e-ishq
luknat-zada zabāñ kī iqāmat qubūl kar
maiñ ne namāz chhoḌ ke ik jaañ bachā.ī hai
ma.abūd-e-lam-yazal ye ibādat qubūl kar