vo dil bhī hamārā uḌaa.e hue haiñ
nigāheñ bhī ham se churā.e hue haiñ
jhukā.e hue haiñ ye nazreñ jo ham se
qayāmat ke fitne uThā.e hue haiñ
gilā hai mire shauq-e-jalva ko un se
vo jalve ko parda banā.e hue haiñ
mujhe aaj yuuñ un kī yaad aa hī hai
mire ghar vo jaise ḳhud aa.e hue haiñ
ḳhudā.ī pe hai is qadar naaz jin ko
ḳhudā vo hamāre banā.e hue haiñ
yaqīñ hī nahīñ aa rahā 'barq' mujh ko
mire ghar meñ vo aaj aa.e hue haiñ