qadam kahīñ pe irāda kahīñ kā rakhte haiñ
ḳhalā meñ rahte haiñ manzar zamīñ kā rakhte haiñ
ye kaun un kī nazar vāhimoñ se bhartā hai
jo apne baste meñ naama yaqīñ kā rakhte haiñ
ye kyā ki ruuh kī koī zamīñ na koī vatan
jahāñ kī miTTī ho us ko vahīñ kā rakhte haiñ
isī liye to parindoñ ke par nikalte haiñ
ki āstāñ na bakheḌā jabīñ kā rakhte haiñ
usī ke faiz se nā-mehrbāñ huā hai dil
makāñ mizāj hamesha makīñ kā rakhte haiñ