Rashid Qayyum Ansar

ek sitara jo aasman mein hai

Rashid Qayyum Ansar

ik sitāra jo āsmān meñ hai

terī sochoñ ke darmiyān meñ hai

maañ ke qadmoñ meñ jo sukūñ hai miyāñ

vo zamīñ par na āsmān meñ hai

lafz kaḌve haiñ tere lahje ke

zahar kitnā tirī zabān meñ hai

merā kirdār vo nahīñ lekin

zikr merā bhī dāstān meñ hai

azal se mirī mohabbat hai

to abad tak mire dhiyān meñ hai

dekh patthar se ab bhī ristā hai

jaane kis lahū chaTān meñ hai

tere jaane ke ba.ad se ab tak

ik udāsī mire makān meñ hai

aur bhī haiñ bahut hasīñ 'ansar'

dil-e-ḳhush-fahm kis gumān meñ hai

Top Urdushayar.com