Arif Imam

fasil-e-zat se bahar bhi dekhna hai mujhe

Arif Imam

1956

fasīl-e-zāt se bāhar bhī dekhnā hai mujhe

shikast-e-ḳhvāb manzar bhī dekhnā hai mujhe

abhī to maiñ ne faqat bārishoñ ko jhelā hai

ab is ke ba.ad samundar bhī dekhnā hai mujhe

banā rahā huuñ abhī ghar ko ā.ina-ḳhāna

phir apne haath meñ patthar bhī dekhnā hai mujhe

sipāh-e-kār-e-jahāñ se nimaT chukā huuñ magar

tumhārī yaad lashkar bhī dekhnā hai mujhe

abhī to ġham ko suḳhan karnā sahal hai 'ārif'

maqām-e-ijz-e-suḳhnavar bhī dekhnā hai mujhe

Top Urdushayar.com