nam-e-ashk āñkhoñ se Dhalne lagā hai

ki favvāra ḳhuuñ kā uchhalne lagā hai

Dubā dil kā ghar aañkh tak aan pahuñchā

ab aañsū kā naalā ubalne lagā hai

ye seb aañb shaftālū nārañgī kamarkha

tire baaġh kā meva palne lagā hai

tumhārī miyāñ dekh ye phal phulārī

mirā tifl-e-dil to machalne lagā hai

khajūreñ samose tale kuchh dilā do

ajii! jī mirā un pe chalne lagā hai

abhī aa.e kahte ho jaatā huuñ lo jī

ye sunte mirā jī dahalne lagā hai

mirī jaan jald 'azfarī' paas aa jā

ki jī us kā tujh bin nikalne lagā hai