kyā gila is kā jo merā dil gayā
mil ga.e tum mujh ko sab kuchh mil gayā
jis ko āñkheñ DhūñDhtī thiiñ pā ga.iiñ
dil ko jis kī justujū thī mil gayā
is gul-e-ra.anā ne hañs kar baat kī
ġhuncha-e-ḳhātir hamārā khil gayā
chhoḌ kar tū us ko ġhairoñ se milā
ḳhaak meñ jo terī ḳhātir mil gayā
ban ga.ī har mauj ik mauj-e-sarāb
tishna-lab jab maiñ lab-e-sāhil gayā
arz-e-hāl-e-chāk-e-dil kyūñkar karūñ
sāmne un ke gayā muñh sil gayā
ġhair hī kyā be-ruḳhī se aap kī
aaj 'bedam' bhī bahut be-dil gayā