kal kā vaada na karo dil mirā bekal na karo
kal paḌegī na mujhe mujh se ye kal kal na karo
kahīñ jalā de na use shola-e-āh-e-āshiq
palkoñ kī TaTTī ke ta.iiñ āñkhoñ kī ojhal na karo
kar chukī teġh-e-nigāh kaam to pal hī meñ tamām
tiir palkoñ kā muqābil mire pal pal na karo
us ko har shab hai zavāl us ko nahīñ hai kuchh naqs
badr ko chehre se us ke mutamassil na karo
dukh na paave kahīñ vo nāznīñ-gardan pyāre
takiya zinhār sar-e-bālish-e-maḳhmal na karo