maiñ jo kahtā huuñ tū kajravī chhoḌ de
vo ye kahtī hai tū dostī chhoḌ de
maiñ ye kahtā huuñ mujh ko divāna banā
vo ye kahtī hai dīvāngī chhoḌ de
jab maiñ tārīf kartā huuñ us kī kabhī
tab vo kahtī hai bas shā.irī chhoḌ de
jab kabhī dil kī bāteñ batātā huuñ maiñ
tab vo kahtī hai ab dil lagī chhoḌ de
jab maiñ kahtā huuñ hai jaan hāzir mirī
vo ye kahtī hai ab jaañ mirī chhoḌ de
jab maiñ kahtā huuñ jiinā hai mushkil bahut
tab vo kahtī hai jā zindagī chhoḌ de