har ik rishta bikhrā bikhrā kyuuñ lagtā hai
is duniyā meñ sab kuchh jhūTā kyuuñ lagtā hai
merā dil kyuuñ samajh na paaya un bātoñ ko
jo vaisā hotā hai aisā kyuuñ lagtā hai
jo yādeñ akasr taḌpātī hai is dil ko
un yādoñ kā dil meñ melā kyuuñ lagtā hai
us ko fikr vo sab se baḌā kaise ho jaa.e
maiñ sochūñ vo itnā chhoTā kyuuñ lagtā hai
duniyāvī rishte to sachche kab the lekin
rūhoñ kā milnā bhī jhūTā kyuuñ lagtā hai
mere hisse meñ aa.ī mai kā har qatra
us kī āñkhoñ hī se chhalkā kyuuñ lagtā hai
'amabar'-jī tum sher to kah lete ho lekin
har ik misra TūTā-phūTā kyuuñ lagtā hai