Khurshid Ahmad Jami

tumhaare dard ko suraj kaha hai

Khurshid Ahmad Jami

Hyderabad, Telangana, India

1915-1970

tumhāre dard ko sūraj kahā hai

nayā uslūb ġhazloñ ko diyā hai

sahar ke rāste meñ sar uThā.e

añdheroñ vahī parbat khaḌā hai

bahut kuchh jo kitāboñ meñ nahīñ thā

vo chehroñ lakīroñ meñ paḌhā hai

koī vahshat-zada zaḳhmī irāda

tabassum ban ke lahrātā rahā hai

batāo naam bhī hai kuchh tumhārā

mirā saaya mujhī se pūchhtā hai

mujhe apnā samajh kar zindagī ne

ḳhud apne aap ko dhokā diyā hai

dar-o-dīvār se har roz 'jāmī'

vahī be-rañg afsāna sunā hai

Top Urdushayar.com