us pe kyā guzregī vaqt marg andāza lagā
muntashir hastī kā apnī jis ko shīrāza lagā
auliyā-allāh kī chaukhaT ke bhī ādāb haiñ
sar uThā kar jo bhī aayā us ko darvāza lagā
nuur kī chādar tanī hai yuuñ fazā-e-dahr par
jaise taare toḌne ko dast-e-ḳhamyāza lagā
jaane kis andāz se us shoḳh ne Daalī nazar
jo purānā zaḳhm thā vo bhī hameñ taaza lagā
mai-kade kā ek hī dam meñ badal jaa.e nizām
sū-e-mai-ḳhāna bhī 'āsī' aisā āvāza lagā