ḳhuun āñkhoñ se nikaltā hī rahā
kārvān-e-ashk chaltā hī rahā
is kaf-e-pā par tire rañg-e-hinā
jin ne dekhā haath maltā hī rahā
sub.h hote bujh ga.e saare charāġh
dāġh-e-dil tā shaam jaltā hī rahā
kab huā bekār putlā ḳhaak kā
ye to sau qālib meñ Dhaltā hī rahā
beh hue kab daaġh mere jism ke
ye shajar har vaqt phaltā hī rahā
kab thamā āñkhoñ se merī ḳhūn-e-dil
josh khā khā kar ubaltā hī rahā
kyā huā marham lagāne se 'fuġhāñ'
zaḳhm-e-dil siine meñ saltā hī rahā