ziist kī raah meñ jitne mujhe gulzār mile
un meñ dekhā to faqat dhuul milī ḳhaar mile
bas usī vaqt se ahl-e-junūñ kahlā.e ga.e
us hasīñ but se jo ahl-e-ḳhirad ik baar mile
ai masīhā tujhe ik baar phir aanā hogā
terī duniyā meñ mujhe saiñkaḌoñ bīmār mile
shaiḳh sāhab hī kahīñ mujh ko nahīñ aa.e nazar
varna har tarah ke jannat meñ gunahgār mile
saath ahbāb nibhāte haiñ isī tarah 'majīd'
dam nikalne ko hai āñkheñ khulīñ aġhyār mile