khul gayā ḳhalvat-e-tanhā.ī kā qissa ai hai
chal gayā shahr meñ afvāh kā sikka ai hai
qumrī-o-tūtī-o-bulbul haiñ jise dekh ke mast
us gul-andām ko tum ne nahīñ dekhā ai hai
kyā kaheñ kaisā lagā chāñd hameñ us ke baġhair
Duub kar jab ġham-e-hijrāñ meñ vo niklā ai hai
us ke fiqre se maiñ kyā samjhūñ koī samjhā de
daf.atan merī taraf dekh ke bolā ai hai
al-ġharaz qissa-e-do-lafz ye sun le ai dost
kūcha-e-yār ba-sad rañj na chhūTā ai hai